Qrenlandiyadakı qoşunların fəaliyyəti ABŞ prezidenti Donald Trampın Danimarka ərazisini əldə etmək istəyinə heç bir təsir göstərmir.

Mozalan.az xəbər verir ki, bunu Ağ Evin mətbuat katibi Kerolin Livit  bildirib.

Bu açıqlama ABŞ vitse-prezidentivə dövlət katibinin Danimarka xarici işlər naziri Lars Løkke Rasmussen və onun Qrenlandiyalı həmkarı Viviane Motzfeldt arasında Eyzenhauer İcra Ofisi binasında keçirilən görüşdən sonra verilib. Livit görüşü "məhsuldar" adlandırıb.

Hər iki nümayəndə heyəti "Qrenlandiya ilə bağlı texniki danışıqları davam etdirəcək işçi qrupu yaratmaq barədə razılığa gəliblər", - Livit deyib və danışıqların "hər iki-üç həftədən bir" keçiriləcəyini əlavə edib.

Ağ Ev prezidentin Qrenlandiyanın alınmasını milli təhlükəsizlik prioriteti hesab etdiyini açıq şəkildə bildirib.

Qrenlandiyanın müdafiəsinə cavabdeh olan Danimarka əraziyə hücumun NATO-nun sonu olacağı barədə xəbərdarlıq edib. Danimarka hökuməti NATO müttəfiqləri ilə koordinasiyalı şəkildə Qrenlandiyadakı hərbi mövcudluğunu genişləndirdiyini açıqlayıb.

Almaniya, İsveç, Fransa, Norveç və Finlandiya bu həftə Danimarka ilə birgə təlimlərdə iştirak etmək üçün Qrenlandiyaya qoşun göndərəcəklərini təsdiqləyiblər.

Elvin

Mozalan.az