ABŞ-nin Nyu-York ştatında yerləşən “Empire State Building” binası Kahramanmaraşda baş verən zəlzələlər səbəbilə Türkiyə bayrağının rəngləri ilə işıqlandırılıb.

Tarixi bina fevralın 6-da Türkiyədə baş verən təbii fəlakətdə həyatını itirənlərin xatirəsini yad etmək və sağ qalanlara dəstək olmaq məqsədilə qırmızı və ağ rənglərə boyanıb.

Bu barədə bina rəhbərliyi “Twitter” səhifəsində paylaşım edib.

“6 fevralda baş verən faciəvi zəlzələnin qurbanlarına dəstək olmaq üçün “Empire State” binası bu gecə qırmızı və ağ rənglərlə parlayacaq”, - deyə paylaşımda qeyd edilib.

Mənbə: Haber Global