Türkiyədə fevralın 6-da baş verən və ölkə tarixinə “əsrin faciəsi” kimi keçən fəlakətlə əlaqədar indiyədək 100 ölkə rəsmi Ankaraya yardım təklifi edib.

Mozalan.az-ın məlumatına görə, bu barədə Türkiyənin Xarici İşlər Nazirliyindən bildirilib.

Məlumata görə, hazırda zəlzələ bölgəsində 80 ölkədən axtarış-xilasetmə qrupları çalışır. Ərazidə olan əcnəbi xilasedicilərin sayı isə 9 315 nəfərdir.

Daha 4 ölkədən heyət göndərilməsi gözlənilir. Ümumilikdə isə Türkiyəyə 542 əcnəbi xilasedicinin gəlməsi nəzərdə tutulub.