Mərakeşdə ölkənin mərkəzi hissəsində avtobusun qəzaya uğraması nəticəsində azı 24 nəfər ölüb.

Bu barədə yerli hakimiyyət orqanlarına istinadən məlumat yayılıb.

Məlumata görə, qəza Əzilal vilayətində magistral yolda baş verib. Əyalətin qərbindəki Demnat şəhərinə gedən avtobus döngələrin birində aşıb.

Yerli rəsmilər, mülki müdafiə işçiləri və Kral Jandarmının üzvləri hadisə yerinə gəliblər. Səlahiyyətlilər qəzanın səbəbləri ilə bağlı araşdırmalara başlayıblar.

Mənbə: TASS