Türkiyənin İstanbul şəhərinin Arnavutköy rayonunda lentə alındığı iddia edilən dəhşətli videogörüntülər hiddət doğurub.

Bu barədə Mozalan.az Sondakika.com-a istinadən xəbər verir.

Tikinti sahəsinin həyətində cib telefonu ilə anbaan çəkilən kadrlar əhali arasında sürətlə yayılıb və qısa zamanda viral olub.

Görüntülərdə qeyri-qanuni yolla Türkiyəyə gətirildiyi və yoxlamalardan yayınmaq üçün küçələrə buraxıldığı iddia edilən bəbirin bir iti boğaraq öldürdüyü, sonra da yemək üçün ərazidən uzaqlaşdırdığı kadrlar əks olunub.

Hadisənin bölgə sakinlərində təşviş yaratmasına baxmayaraq, məsələ ilə bağlı səlahiyyətlilər tərəfindən hələ ki hər hansı açıqlama verilməyib.

İstanbulda küçəyə buraxılan bəbir iti parçaladı: Dəhşətli mənzərəni görən sakinlər qorxu içində