Masallıda nənə və nəvəsinin itkin düşmələri barədə Daxili İşlər Nazirliyi məlumat yayıb.

Məsələ ilə bağlı DİN-in Mətbuat Xidmətinin Lənkəran regional qrupundan Mozalan.az-a bildirilib ki, Masallı rayon sakini Xanım Abuşovanın itkin düşməsi ilə bağlı informasiya həqiqəti əks etdirmir və qadın hazırda yaşadığı evdədir.

Dekabrın 11-də saat 19 radələrində evdən çıxaraq geri qayıtmayan azyaşlı nəvəsinin tapılması istiqamətində hazırda polis əməkdaşları tərəfindən axtarış tədbirləri həyata keçirilir.

09:20

Masallıda nənə və nəvə itkin düşüblər.

APA xəbər verir ki, Mollahəsənli kənd sakini, 1952-ci il təvəllüdlü Xanım Abuşova və nəvəsi 2008-ci il təvəllüdlü Jalə Abuşova dekabrın 11-də evdən şəxsiyyət vəsiqələrini götürərək çıxıblar və geri qayıtmayaraq itkin düşüblər.

Faktla bağlı araşdırma aparılır.