Hacıqabulda yol-nəqliyyat hadisəsi qeydə alınıb.

APA-nın Mil-Muğan bürosunun məlumatına görə, hadisə Bakı-Qazax magistralının Hacıqabul rayonu, Pirsaat kəndindən keçən hissəsində baş verib.

Motosikletin dəmir arakəsməyə çırpılması nəticəsində bir nəfər ölüb.

Ağdam sakini, 2000-ci il təvəllüdlü Orxan Bəxtiyar oğlu Kərimov qapalı kəllə-beyin travması diaqnozu ilə Şirvan xəstəxanasına yerləşdirilib.

Faktla bağlı araşdırma aparılır.