Astarada piyadanın vurulması ilə nəticələnən yol-nəqliyyat hadisəsi baş verib.

AZƏRTAC-ın bölgə müxbiri xəbər verir ki, hadisə Astara rayonu ərazisində baş verib. Hərəkətdə olan minik avtomobili rayonun Səncərədi kənd sakini 1992-ci il təvəllüdlü Ramil Nağdəli oğlu Məmmədlini vurub.

Xəsarət alan R.Məmmədli ağır vəziyyətdə Lənkəran Rayon Mərkəzi Xəstəxanasına çatdırılıb və reanimasiya şöbəsinə yerləşdirilib.

Həkimlər xəstənin vəziyyətinin ağır olduğunu bildirirlər.

Faktla bağlı araşdırma aparılır.