Yunanıstanın Rodos adasında meşə yanğını təhlükəsi olan ərazilərdən 30 mindən çox insan təxliyə edilib.

Bunu yerli bələdiyyə mədəniyyət və idman təşkilatının rəhbəri Teris Hacıoannu bildirib.

Onun sözlərinə görə, Rodosun Kiotari və Lardos bölgələrindən böyük xilasetmə əməliyyatı davam edir. İnsanlar onlarla avtobus vasitəsilə sahil mühafizəsi, silahlı qüvvələr və yerli hakimiyyət orqanlarının köməyi ilə təxliyə edilir.

Polisin bildirdiyinə görə, yüzlərlə turisti daşıyan ilk avtobuslar artıq Lindosa çatıb.

Rodos şəhərinin vitse-meri Konstantinos Tarasliasın sözlərinə görə, güclü külək meşə yanğınlarının söndürülməsində xeyli çətinliklər yaradır.

Xatırladaq ki, Rodosda beşinci gündür ki, şiddətli meşə yanğını tüğyan edir.

11:20

Yunanıstanın Rodos adasında beş gündür davam edən meşə yanğınları artıq turistlərin olduğu əraziyə çatıb.

12 hoteldən təxminən 10 min turist təxliyə edilib.

Bundan başqa Yunanıstan ordusuna və Sahil Mühafizəsinə aid 3 qayıqla çox sayda turist 2 çimərlikdən təhlükəsiz yerə aparılıb.

Güclü külək və yüksək temperatur yanğınsöndürənlərin meşə yanğınlarının qarşısını almağa mane olur.

Mənbə: Haber Global