Paşinyan: “Sülh müqaviləsi növbəti görüşlərdə imzalana bilər”
![](/images/article/big/1684749605.2484.jpg)
“Əgər Azərbaycan bu günlərdə bizə sülh müqaviləsinin mətninin öz variantını versə və bir neçə gün ərzində görsək ki, sənəd qarşılıqlı güzəştlər məntiqinə uyğundur, niyə də olmasın, müqavilə növbəti görüşlərdə imzalana bilər”.
Ermənistan mediasının məlumatına görə, bunu Ermənistanın baş naziri Nikol Paşinyan bu gün keçirdiyi mətbuat konfransında deyib.
Onun sözlərinə görə, Vaşinqtondakı görüşdən əvvəl rəsmi İrəvan sülh müqaviləsinin mətninə düzəlişləri Azərbaycana təqdim edib və indi rəsmi Bakının düzəlişlərini gözləyirlər.
“Amma hələlik onların cavabını almamışıq. Beynəlxalq qarantlara gəlincə, məmnunluqla qeyd etməliyəm ki, bu məsələdə də mövqelərimiz arasında müəyyən yaxınlaşma var”, - deyə o sözlərini yekunlaşdırıb.