Ekspertlər qeyd edirlər ki, aprelin 15-də Sudanda ordu ilə çevik reaksiya qüvvələri arasında başlayan qarşıdurmalar Sudanın gələcəyi ilə bağlı regional və beynəlxalq müdaxilələrin əksidir.

Ekspertlər xüsusilə Qərb dövlətlərinin təsirinə, “Somaliləşmə” və ya “Suriyalaşma” ehtimalına diqqət çəkiblər.

Yəmənli siyasi analitik Yasin ət-Təmiminin sözlərinə görə, geosiyasi, iqtisadi və ideoloji baxımdan formalaşmağa çalışan Sudanda münaqişə regional və beynəlxalq güclərin mübarizəsinin əksidir. 

“Qərb ölkələrinin diplomatik nümayəndəliklərini təxliyə etməsi faktı onu göstərir ki, Qərb dövlətləri münaqişənin dəqiq vaxtını müəyyən etməyiblər və ya planlaşdırıldığı kimi razılıq əldə oluna bilməyib”, - o bildirib.

Sudandakı münaqişəyə “Qərb ölkələrinin birbaşa təsirinin olduğuna dair heç bir işarənin” olmadığını bildirən Tamimi qeyd edib ki, regional güclərin münaqişəyə cəlb edilməsi “Qərb ölkələrinə müharibənin gedişinə təsir edəcək hərbi müdaxilə imkanı verəcək.

O vurğulayıb ki, ölkələrin vətəndaşlarını təxliyə etmək üçün hərəkətə keçməsi, beynəlxalq təşkilatların getməsi hər kəsin narahat olmasına, vəziyyətin ciddiliyinə sübutdur.

Qeyd edək ki, aprelin 15-də silahlı toqquşmalar başlayandan Sudanda yüzlərlə insan həyatını itirib, minlərlə şəxs yaralanıb.

Mənbə: Anadolu