Bu gün Suraxanı Rayon İcra Hakimiyyətinin inzibati binasında Gender əsaslı zorakılığa qarşı 16 günlük Fəallıq Kampaniyası-2025 çərçivəsində “Təhlükəsiz həyatın qurulmasında icma liderlərinin rolu:Suraxanıda yeni sosial yanaşma” adlı konfrans keçirilib.
Mozalan.az xəbər verir ki, tədbirdə açılış nitqi ilə çıxış edən Bakı şəhəri Suraxanı Rayon İcra Hakimiyyətinin başçısı Adil Əliyev bu gün ölkəmizdə qadınlara qarşı zorakılığa, təhlükəsiz həyata qarşı bir çox layihələr reallaşdırılır. Bu gün hər birimiz müzəffər dövlətin vətəndaşı kimi dövlətimizlə qürur duyururq. Ölkəmiz durmadan böyük uğurlara imza atır, böyük layihələri reallaşdırır. Qarşımızda duran məsələlərdən biri də təhlükəsiz həyat üçün səylər göstərməkdir.
Qadınlara qarşı zorakılıq əleyhinə statistikaya baxanda bu mövzuda geri qalırıq, buna baxmayaraq öz fəaliyyətimizi daha da artırmalıyıq. 
Ümumilli lider Heydər Əliyev Ailə, Qadın və Uşaq Problemləri üzrə Dövlər Komitəni yaratmaqla bu sahədə problemlərin həlli və daha fəal mübarizə aparılması məqsədi daşıyırdı. Bundan sonra da Komitəyə işində uğurlar arzu edirik",- deyə o əlavə edib.

Ailə, Qadın və Uşaq Problemləri üzrə Dövlət Komitəsinin sədri Bahar Muradova çıxışında bildirib ki, kampaniya çərçovəsində ölkə üzrə bütün dövlət qurumlarında fəallıq müşahidə edilir.

"Bu o deməkdir ki, biz bu məsələlər haqqında daha dərindən düşünməyə başlamışıq. 
Son tədqiqatlara görə bu (rəqəmsal) məkanada zorakılıq 16-18 faiz yayılma dərəcəsindədir.
Təsadüfi deyil ki, Azərbaycan BMT-nin Kibercinayətkarlığa Qarşı Mübarizə Konvensiyasını imzalayanlar arasındadır.

Qadınlara qarşı zorakılıq təkcə fərdlərə yox, bütövlükdə cəmiyyətə təsir göstərir. Bütün zorakılıqlar uzunmüddətli təsirləri ilə seçilir.
Komitə bu işə başlayanda insanlar sanki məişət zorakılığını inkar etdirdilər. Sonrakı dönəmlərdə qanunverici və icra orqanlarının yaradılması ilə  cəmiyyətin də fəallıq göstərdiyini gördük. Bu onu göstərir ki, gənclik bu stereotipləri özü ilə gələcəyə aparmaq istəmir. 
2020-2023-cü ildə biz "Məişət zorakılığına qarşı mübarizə üzrə fəaliyyət Proqramı"nı bitirdik. İkinci fəaliyyət proqramı qəbul olunmaq üzrədir. 

Xüsusilə regionlarda bu məsələlər kəskin formadadır. 

Bu yaxınlarda qanunvericilikdə dəyişik oldu. Əlaqələndirmə monitorinq qrupları yenidən yaradıldı. Əvvəllər bu sahədə işləri sadəcə üzərimizə düşən vəzifə kimi reallaşdırırdıqsa, artıq bu vəzifə tamamilə bizə həvalə olunub".

Billurə Yunus