86 yaşlı qadının pensiyası sənədlərdəki kiçik uyğunsuzluğa görə dayandırılıb. 

Mozalan.az milli.az-a istinadən xəbər verir ki, sənədlərdəki ad və doğum tarixi fərqi onun sosial ödəniş almasına mane olub. 

Qadın bildirir ki, illərlə yığılan stajına baxmayaraq, bu xırda səhvə görə ödəniş verilməsi dayandırılıb.

Məsələ ilə bağlı Əmək və Əhalinin Sosial Müfadiə Nazirliyindən bildirildi ki, Nərgiz Kərimovanın yaşa görə pensiyası şəxsiyyət vəsiqəsi deaktiv olduğu üçün bu ilin iyul ayından dayandırılıb:

"Dövlət Sosial Müdafiə Fondunun həyata keçirdiyi ödənişlər vətəndaşla münasibətdə şəxsiyyət vəsiqəsinə bağlıdır. Buna görə də qüvvədə olan şəxsiyyət vəsiqəsi olmasa ödənişlərin sistem üzərindən həyata keçirilməsi mümkün deyil". 

Mövzu ilə bağlı DİN-dən bildirildi ki, vətəndaş DİN-in baş pasport, qeydiyyat və miqrasiya idarəsinə yaxınlaşıb rəsmi qaydada ərizə ilə müraciət etməlidir. Qadın yaşlı olduğu üçün özü yaxınlaşa bilməsə, ailə üzvləri müraciət edə bilərlər.