Azərbaycan Memarlıq və İnşaat Universitetinin (AZMİU) liftlərində tez-tez problemlər yaşanır.

Bununla bağlı universitetin tələbələrindən Bizim.media-ya şikayət daxil olub. Tələbələrin bildirdiyinə görə, xüsusilə universitetin 1-ci korpusunun liftlərində vaxtaşırı dayanma və nasazlıqlar müşahidə olunur.

Universitetin mətbuat katibi Nicat Abdullayev məsələ ilə bağlı açıqlamasında qeyd edib ki, liftlərin hər biri işlək vəziyyətdədir:

"Bizdə belə bir məlumat yoxdur. Amma məsələni araşdırıb, lazımi tədbirləri həyata keçirməyə hazırıq. Qeyd edim ki, AZMİU-nun üç tədris binası var. Bunlardan birində 12, birində isə beş sürətli lift mövcuddur. Liftlərə vaxtında baxış keçirilir, təmir işləri aparılır. Universitetdə liftlərə texniki qulluq göstərən əməkdaşlar mövcuddur. Həmçinin, mütəmadi olaraq da texniki sazlama işlərini aparan şirkətlərlə əməkdaşlıq edilir".