Bakıda elektriklə işləyən taksinin qəfil yanması ilə bağlı RƏSMİ AÇIQLAMA
Səbail rayonu, M.Hüseynov küçəsində "LEVC" markalı avtomobildə baş vermiş yanğın qısa müddətdə söndürülüb.
Bu barədə Mozalan.az-a Fövqəladə Hallar Nazirliyinin (FHN) Mətbuat Xidmətindən məlumat verilib.
"Fövqəladə Hallar Nazirliyinin "112" qaynar telefon xəttinə Bakı şəhəri, Səbail rayonu, M.Hüseynov küçəsində avtomobildə yanğın baş verməsi barədə məlumat daxil olub və dərhal FHN-in Dövlət Yanğından Mühafizə Xidmətinin qüvvələri əraziyə cəlb olunub. Əməliyyat şəraitinə uyğun olaraq həyata keçirilmiş tədbirlər sayəsində "LEVC" markalı avtomobildə baş vermiş yanğın qısa müddətdə söndürülüb. Avtomobilin qalan hissəsi yanğından mühafizə olunub", - deyə məlumatda bildirilib.
Bu gün Səbail rayonunda elektriklə işləyən avtomobil qəfildən alışıb.
Mozalan.az xəbər verir ki, hadisə səhər saat 10-11 radələrində "Intourist Hotel"in qarşısında baş verib.
Əraziyə Fövqəladə Hallar Nazirliyinin (FHN) əməkdaşları cəlb olunublar. Hadisənin təfərrüatı ilə bağlı hələlik hər hansı rəsmi məlumat verilməyib.
Videonu təqdim edirik:
Əzizə İsmayılova
