14 yaşlı Əliəsgərin yardımsevər şəxslərin dəstəyinə ehtiyacı var.

Bu barədə Mozalan.az-a onun anası İradə Əsədova məlumat verib.

O bildirib ki, övladı fevral ayında ocağın içinə yıxılaraq bədən xəsarətləri alıb:

"Əliəsgərin anadangəlmə qıcolması var, bu ilin fevral ayında ocaq qalamışdıq. Ocağın yanından keçəndə qıcolması tutub, özünü saxlaya bilməyib, içinə yıxılaraq ağır bədən xəsarətləri alıb. Həmin gün biz onu xəstəxanaya apardıq. Bizi Bakıda yerləşən xəstəxanalardan birinə göndərdilər. Orada üç ay müalicə alıb, iki dəfə əməliyyat keçirdi".

İradə Əsədova hazırda övladının müalicəsini qarşılaya bilmədiklərini deyib:

"Fevraldan bu yana əlimizdən gələn hər şeyi etmişik. Əlimizdə, ovucumuzda nə varsa, satmışıq, borc almışıq. Hazırda demək olar ki, tükənmişik. Əliəsgərin dərmanlarını, mazlarını almağa imkanımız çatmır. Yaraları suluq edir, uşaq dayanmadan ağlayır. Hazırda müalicələrini davam etdirmək üçün 800 manata ehtiyacımız var. Yardımsevər şəxslərdən bizə dəstək olmaqlarını xahiş edirəm".

Ailə ilə əlaqə: (055) 549-79-53.

Kapital Bank: 5239 1517 5785 4917.