Jan 06

Zelenski: Rusiyanın xaricdə dondurulmuş aktivləri Ukraynaya dəstək üçün istifadə edilməlidir

Rusiyanın xarici ölkələrdə dondurulmuş maliyyə aktivləri Ukraynaya dəstək üçün istifadə edilməlidir.

Mozalan.az xəbər verir ki, bunu Ukrayna Prezidenti Vladimir Zelenski "X" hesabında paylaşımında bildirib.

Ukrayna dövlət başçısının sözlərinə görə, hazırda Rusiyanın xaricdə dondurulmuş aktivləri 300 milyard dollara yaxındır.

"Onlardan Ukraynaya dəstək üçün istifadə edilməlidir. Bu, öz terrorunun əvəzini ödəməsi üçün tarixi fürsətdir. Rusiya elitası və rəhbərliyi üçün insan həyatı önəmli deyil, amma onlar pulu hər şeydən üstün tuturlar. Onlar üçün aktivlərin itirilməsi ən ağrılı itki olacaq. Onlar beynəlxalq ictimaiyyətin əsl gücünü hiss edəcək və dünyanın terrordan güclü olduğunu görəcəklər. Dondurulmuş Rusiya aktivlərindən Ukraynaya dəstək üçün istifadə qərarı Rusiyanın Ukraynaya təcavüzünə tamamilə ədalətli və qanuni cavab olacaq. Bu, dünyanın bütün potensial təcavüzkarlarına mesaj olacaq - başqa bir dövlətə hücum etməyin bədəli olur, təcavüzkar ödəməyə məcbur edilir", - Prezident Zelenski bildirib.

O, bu məsələ ilə bağlı tərəfdaş ölkələri müvafiq qanunvericilik bazası üzərində sürətlə işləməyə çağırıb: "Bu il biz dondurulmuş Rusiya aktivlərinin Ukraynanın rifahı üçün istifadə edilməsi istiqamətində nəzərəçarpacaq irəliləyiş əldə etməliyik. Biz bu məsələdə qətiyyətlə G7 rəhbərliyinə güvənirik".

Bənzər xəbərlər

Gündəm

0.022162914276123