ABŞ-də başqasının cinayətinə görə 16 il həbsxanada yatan psixi xəstəlikdən əziyyət çəkən bir şəxs İndiana ştatının tarixində ən böyük təzminat almağa nail olub.

Söhbət 2005-ci ildə həbs edilmiş Elkhart şəhərindən olan Endrü Royerdən gedir. Onu 94 yaşlı Helen Seylor adlı qadını öldürməkdə ittiham ediblər. Royer cinayəti etiraf edib və 55 il müddətinə azadlıqdan məhrum edilib.

15 ildən sonra Royerenin vəkilləri onun təzyiq altında etiraf etdiyini sübut edə biliblər. 2021-ci ildə Endrü sərbəst buraxılıb, sonra isə o, şəhər rəhbərliyinə və polisə qarşı iddia qaldırıb. Dekabrda o, Elkhart şəhər administrasiyası və təqaüddə olan müəyyən polis zabitləri ilə barışıq sazişi bağlayıb və 11,7 milyon dollar təzminat alacaq.

Məhkəmə müəyyən edib ki, müstəntiqlər Royerin psixi pozğunluğundan istifadə edərək sübutları saxtalaşdırıb və etmədiyi cinayəti “etiraf etməyə” məcbur ediblər. O, iki gün fasiləsiz dindirilib, bundan sonra o, öz əleyhinə ifadə verməyə başlayıb.

Prokurorluq bir il ərzində bu qərardan apellyasiya şikayəti verməyə çalışsa da, buna nail ola bilməyib. Hazırda Royerin məhkum edilməsində iştirak edən Elkhart dairəsinin bir sıra məmurlarına qarşı məhkəmə prosesləri davam edir.

“İndi ömrümün sonuna qədər kifayət qədər pulum var. Ailəmə bacardığım qədər kömək etməyə çalışacağam”, - deyə Endrü məhkəmənin qərarını dinlədikdən sonra bildirib.

Mənbə: Fox News