İsrail hakimiyyəti fələstinli girovların ikinci qrupunu - 39 nəfəri azad edib.

Azad edilmiş girovları daşıyan avtobuslar İordan çayının qərb sahilinin Beytuniya şəhərinə gəlib.

Bundan əvvəl Fələstinin HƏMAS hərəkatının 20 girovu azad etdiyi bildirilib. Daha sonra İsrailin Baş naziri Benyamin Netanyahunun ofisi 13 İsrail və 4 Tailand vətəndaşının azad edildiyini xəbər verib.

Xatırladaq ki, noyabrın 24-dən HƏMAS ilə İsrail arasında 4 günlük atəşkəs rejimi qüvvədədir. Razılaşmalara görə, bu müddət ərzində qrup 12-13 nəfərlik qruplar şəklində 50 girovu, İsrail isə 150 ​​fələstinli girovu azad etməlidir. Hər iki tərəfdə söhbət qadın və uşaqlardan gedir.

Mənbə: The Jerusalem Post