İsrailin Qəzza zolağında hərbi kampaniyası anklavın vahid Fələstin dövlətindən ayrılmasına səbəb olmamalıdır.

Bu barədə Ərəb Dövlətləri Liqası (ƏDL) və İslam Əməkdaşlıq Təşkilatının (İƏT) Ər-Riyadda başa çatmış birgə sammitinin yekun bəyanatında deyilir.

“Biz Şərqi Qüds də daxil olmaqla, Qəzzanın (İordan çayının) Qərb sahilindən ayrılmasını nəzərdə tutan hər hansı təklifi rədd edirik. Qəzzanın gələcəyinə hər hansı yanaşma paytaxtı Şərqi Qüds olan azad, müstəqil, suveren dövlət olan Fələstin ərazilərinin birliyinə zəmanət verən hərtərəfli həll istiqamətində iş kontekstində nəzərdən keçirilməlidir”, - deyə sənəddə qeyd olunub.

Mənbə: TASS