Bir sıra Qərb ölkələri İsrail və Fələstin arasında münaqişə zonasında əsirlərin mübadiləsini asanlaşdırmaq istəyi ilə Türkiyəyə müraciət edib.

Məlumata görə, dövlətlər Türkiyə hakimiyyətinə vətəndaşların müdafiəsinə qalxmaq xahişi ilə müraciət ediblər.

“Bu kontekstdə Türkiyə HƏMAS ilə müxtəlif səviyyələrdə əlaqə saxlayıb və İsraillə olduğu kimi xəbərdarlıqlar edib”, - deyə bildirilir.

Ankara ilk növbədə müxtəlif ölkələrin vətəndaşlarını və mülki insanları xilas etmək niyyətindədir. Lakin HƏMAS hərəkatı bir sıra şərtlər irəli sürüb. Türkiyə hesab edir ki, tədricən əsir mübadiləsi həyata keçirilə bilər.

 “Gündəmdə ilk növbədə qadınlardan başlayacaq prosesin mərhələli şəkildə həyata keçirilməsi var”, - deyə əlavə olunub.

Daha əvvəl HƏMAS bildirib ki, radikalların “Əl-Əqsa tufanı” əməliyyatı başa çatana qədər israilli əsirlərlə bağlı məsələ qaldırılmayacaq.

Mənbə: nsn.fm