Tehranın nüvə obyektlərinin tam dağıdılmağının təsdiqi Trampı çıxılmaz vəziyyəti salır-o yenidən “vurun” əmri verərsə, işdən çıxardığı kəşfiyyat rəisindən üzr istəməıli olacaq

İsrailin keçmiş müdafiə naziri Yoav Qallant avqustun 30-da bildirib ki, İsrail və ABŞ İranın nüvə obyektlərini hədəf alacaq yeni hərbi əməliyyatlar hazırlayır.

Mozalan.az  xəbər verir ki, bu barədə “The Jerusalem Post” məlumat yayıb.

Tel-Əvivdə keçirilən konfransda çıxış edən Qallant vurğulayıb ki, 2025-ci ilin iyununda 12 günlük müharibə zamanı İranın əsas nüvə mərkəzlərinə zərbələr tam məqsədinə çatmayıb, hətta İranın infrastrukturun bir hissəsini bərpa etdiyinə dair kəşfiyyat məlumatları var.
Yeri gəlmişkən, müdafiə naziri Pit Heqset bir neçə gün əvvəl Pentaqonun Müdafiə Kəşfiyyat İdarəsinin (DİA) rəhbəri general-leytenant Cefri Kruzu məhz İranın nüvə obyektlərinə dair hesabatandan sonra vəzifəsindən azad edib.Pentaqona tabe Müdafiə Kəşfiyyat İdarəsi əməliyyatları dəstəkləmək üçün hərbi kəşfiyyat üzrə ixtisaslaşıb, Mərkəzi Kəşfiyyat İdarəsinə tabe olmayan müstəqil qurumdur.

İşdən çıxarılmanın səbəbləri hələ də rəsmi olaraq açıqlanmayıb, lakin bu qərarlar Ağ Evin agentliyin Amerikanın İrana zərbələrinin nəticələrini qiymətləndirən hesabatını tənqid etməsindən az sonra baş verib.

İyunun sonunda, İrana qarşı Amerika-İsrail hərbi əməliyyatı başa çatdıqdan az sonra, DİA Amerikanın zərbələrinin İranın nüvə proqramını cəmi bir neçə ay geriyə saldığını bildirən hesabat yayıb.

Bu qiymətləndirmə daha əvvəl əməliyyatı “qeyri-adi hərbi uğur” adlandıran Donald Trampı qəzəbləndirib və bildirib ki, hər üç nüvə obyekt “tamamilə məhv edilib” və “terrorizmin əsas sponsoru”ndan gələn nüvə təhlükəsi aradan qaldırılıb. Prezident Müdafiə Kəşfiyyat İdarəsinin nəticələrini isə “tam qüsurlu” adlandırıb.

İranın nüvə obyektləri hücumlarda zərər görmədiyini bu ölkənin Ali Rəhbəri Seyid Əli Xamenei xalqa video müraciətində demişdi. O bildirib ki, ABŞ nüvə obyektlərini vurub, lakin çox şey əldə edə bilməyib: “Amerikalılar nüvə obyektlərinə hücumda mühüm bir iş görə bilməyiblər”. O həmçinin qeyd edib ki, ABŞ Prezidenti Donald Tramp baş verənləri çox şişirdib: “Tramp İranın nüvə obyektlərinə dəyən zərərin miqyasını şişirdib, əslində bu, kiçikdir”.
Beləliklə, Pentaqon kəşfiyyat strukturu faktiki Xamneinin dediklərini təsdiqləyən hesabat yayıb.İndi isə İsrailin keçmiş müdafiə naziri də təsdiqləyib ki, İsrail və ABŞ İranın nüvə obyektlərinə ciddi zərər vurmadığı üçün yeni hərbi əməliyyatlar hazırlayır. İsrail üçün İrana yenidən hücum bir əlavə motivasiyadır. Amma ABŞ prezidenti üçün riskli vəziyyətdir. O, İranın nüvə obyektlərinə zərbə vurmaq ımrini verərsə, xalqa yalan danışdığını, İranın hələ də hərbi güceünün qaldığını etiraf etmiş olacaq. O zaman gərək Pentaqonun işdən çıxarılan kəşfiyyat rəisini də işə qaytramaq lazım gələcək. Ola bilsin ki, İranı hava zərbələrindən Cefri Kruzun hesabatı xilas etsin, Tramp İran əməliyyatına razılıq verməsin.

Bunun fonunda İran tərəfi də sərt mövqe nümayiş etdirib. SEPAH-a bağlı teleqram kanallarında yayılan açıqlamalarda İsrail “yer üzündən silinməklə” hədələnib. Bildirilir ki, İran ordusu səsdən qat-qat sürətli hipersəs raketləri, yeni tip silahlar və xüsusi hücum başlıqları hazırlayır. SEPAH-ın iddialarına görə, bu silah sistemləri İsrailin hava hücumundan müdafiə sistemlərini yarmaq gücündədir və “son cavab” üçün nəzərdə tutulub.(musavat.com)