ABŞ-də 42,5 min dollara təyyarə gövdəsindən hazırlanmış avtomobil satışa çıxarılıb.

Mozalan.az xəbər verir ki, elan "Facebook" marketpleysində yerləşdirilib.

Uçmaq qabiliyyəti olmayan bu maşının ümumi istifadə yollarında hərəkət etməsinə icazə verilib. Onun 1,9 litrlik mühərriki "Volkswagen Beetle"dən götürülüb.

Maşının yaradıcısı qəza nəticəsində zədələnmiş "Rutan Long-EZ" təyyarəsini alıb. Bu təyyarədən hazırlanan avtomobil 1971-ci il "Volkswagen" kimi qeydiyyatdan keçib və qanuni şəkildə ümumi yollarda hərəkət edə bilər.

Avtomobilin gövdəsi yenidən boyanıb, orijinal şassi və işlənmiş qaz sistemi hazırlanıb.

Maşının gücü və digər texniki xüsusiyyətləri göstərilməyib.