Bişkekdə Qırğızıstan və Tacikistan rəsmiləri iki ölkə sərhədinin ümumi hissəsinin delimitasiyasına dair protokola imza atıblar.

Mozalan.az xəbər verir ki, bu barədə Qırğızıstan Nazirlər Kabinetinin mətbuat xidməti məlumat yayıb.

Sənədi iki ölkənin Milli Təhlükəsizlik üzrə Dövlət Komitələrinin rəhbərləri Kamçıbek Taşiyev və Saymumin Yatimov imzalayıblar.

Xatırladaq ki, artıq uzun illərdir Qırğızıstan-Tacikistan dövlət sərhədində mübahisəli ərazilərə görə tərəflər arasında lokal hərbi toqquşmalar baş verir.