Qəzzada "Anadolu" agentliyinin operatoru həlak oldu
Türkiyənin "Anadolu" agentliyinin ştatdankənar operatoru Səid Əbu Nabhan Qəzza zolağında aldığı güllə yarasından həlak olub.
Mozalan.az xəbər verir ki, bu barədə "Haber Global" məlumat verib.
Qeyd olunur ki, insident fələstinli qaçqınlar üçün yaradılmış "Əsgər Əl-Cədid" düşərgəsinin ərazisində baş verib.
Əbu Nabhan evin yanındakı düşərgədə yaralının xərəkdə aparıldığı yerdə çəkiliş edib. Düşərgə İsrail əsgərləri tərəfindən mühasirəyə alındığı və orada çoxlu jurnalistin olduğu bildirilir.
Agentliyin yaydığı kadrlarda operatorun digər insanlarla birlikdə düşərgənin küçələrindən birində qaçdığı, sonra isə qəfil hərəkətsiz yerə yıxıldığı görünür. Qaçanlardan biri onu qaldırmağa çalışsa da, sonra xəsarət almaqdan qorxaraq döngədə gözdən itib.
25 yaşlı Əbu Nabhan evil olub və onun bir övladı var.
