Avropanın qaz anbarları kəskin soyuqlar və Rusiya qazının Ukrayna vasitəsilə nəqlinin dayandırılması fonunda sürətlə boşalır. Bu, enerji təhlükəsizliyi ilə bağlı vəziyyəti daha da gərginləşdirir.

Mozalan.az xəbər verir ki, bu barədə "Bloomberg" məlumat yayıb.

Yanvarın əvvəlinə anbarlardakı qaz ehtiyatları ötən ilin müvafiq dövrü ilə müqayisədə 86 faizə qarşı hazırda 70 faizə yaxındır. Bu, qismən sərt hava şəraiti ilə əlaqədardır ki, belə şərait istiliyə yüksək tələbat yaradır.

Agentliyin qeyd etdiyi kimi, ehtiyatların səviyyələrində azalma tempi 2018-ci ildən bəri maksimum həddə çatıb. Qış mövsümünün əvvəlindən Aİ anbarları maksimum həcminin 25%-ni itirib ki, bu da onların növbəti istilik mövsümünə qədər doldurulmasının mümkünlüyü ilə bağlı artıq narahatlıq doğurur.

Avropa bazarlarında da qazın qiyməti artmaqda davam edir. Ekspertlər vurğulayırlar ki, qazın baha olması ehtiyatların doldurulmasını çətinləşdirəcək, xüsusən də bazarda volatilliyin artması fonunda.

Mövcud vəziyyəti Norveçdəki "Hammerfest" maye-qaz zavodunun kompressor nasazlığı səbəbindən dayandırılmasını daha da ağırlaşdırır ki, bu da mayeləşdirilmiş təbii qazın tədarükünün azalmasına səbəb olacaq. Mütəxəssislər xəbərdarlıq edirlər ki, Avropa önümüzdəki aylarda, xüsusən də Asiyada tələbatın ənənəvi olaraq artdığı yayda qlobal bazarda mayeləşdirilmiş təbii qaz üçün sərt rəqabətlə üzləşəcək.

Bu qış təbii qaz çatışmazlığı təhlükəsi olmasa da, ekspertlər 2025-ci ildə Avropada enerji xərclərinin artacağı və növbəti istilik mövsümü ərəfəsində təchizatın bərpasında çətinliklər olacağı barədə xəbərdarlıq edirlər.