"COP29 konfransının iqlim mövzularına yönəlməsi yüksək qiymətləndirilməlidir. Burada əsasən iqlim dəyişiklikləri ilə bağlı məsələlər müzakirə edilir. Uşaqlar üçün xüsusi xəbər pavilyonunun olması isə məni çox sevindirdi".

Bu sözləri COP29 çərçivəsində ölkəmizə Keniyadan gələn 10 yaşlı iştirakçı Abigeyl Nyoki Gitonga AZƏRTAC-a açıqlamasında söyləyib.

O, ölkəsində mövcud iqlim problemlərinə də diqqət çəkərək deyib: "Keniyanın bəzi bölgələrində şiddətli quraqlıq müşahidə olunur, digər bölgələrdə isə həddindən artıq yağış yağır. Ekoloji tarazlığı bərpa etmək üçün tədbirlər görülməlidir. Bu konfransın digər tədbirlərdən fərqi əsasən iqlim mövzularına yönəlməsindədir, halbuki əvvəlki tədbirlərdə kənd təsərrüfatı və digər sahələr daha çox ön planda idi".

Təşkilatçılıq səviyyəsinə də toxunan iştirakçı əlavə edib: "Tədbirin təşkilatçılığı çox yüksək səviyyədədir. Hər yer səliqəlidir və xalçalarla döşənib. Bu, iştirak etdiyim ilk belə tədbirdir və çox bəyəndim".