Yeni "Zeekr Mix" miniveninin premyerası 23 oktyabr 2024-cü ildə Çində keçiriləcək.

Mozalan.az xəbər verir ki, bu barədə "Carnewschina.com" məlumat yayıb.

Bildirilir ki, yeni avtomobil brendin seriyasında altıncı model olacaq.

Onun dizaynı "Bentley"nin keçmiş dizayneri Stefan Zilaff tərəfindən yaradılıb. Avtomobilin uzunluğu 4 688 mm-dir. O, "Volkswagen ID.BUZZ" modeli ilə rəqabət aparacaq. Yeni məhsulun özəlliyi ön qapılardır: sürücü və sərnişinin çıxması üçün onlar irəli çəkilməlidir.

"Zeekr Mix"də beş nəfərlik oturacaq, arxada isə üç nəfərlik divan mövcuddur.

Qeyd olunur ki, premyeradan sonra modelin satışına başlanılacaq.