İsrail Müdafiə Ordusunun (SAXAL) Livana endirdiyi zərbə nəticəsində "Hizbullah" qruplaşmasının 20 komandiri öldürülüb.

Mozalan.az xəbər verir ki, bu barədə "Axios" portalı İsrail rəsmisinə istinadən məlumat verir.

"Radvan" qüvvələrinin yüksək komandanlığı, təxminən 20 komandir zərbə zamanı həlak olub", - mənbə bildirib.

Materialın müəllifinin sözlərinə görə, İsrail belə qənaətə gəlib ki, Livanla sərhəddə vəziyyəti nizamlamaq üçün hərbi eskalasiyadan yayına bilməz.

00:24

İsrailin Livanın paytaxtına endirdiyi hava zərbəsi nəticəsində ölənlərin sayı 14-ə yüksəlib.

Mozalan.az xəbər verir ki, bu barədə Səhiyyə Nazirliyinin "Telegram" kanalında yerləşdirilmiş hesabatında deyilir.

Qeyd olunur ki, yaralıların sayı 66-dır.

Mətndə göstərildiyi kimi, ən azı 11 livanlının vəziyyəti ağırdır və reanimasiya şöbələrinə yerləşdirilib.

Uçan iki evin yerində axtarış-xilasetmə əməliyyatı davam edir. Mümkün qurbanların axtarışı üçün dağıntılar təmizlənir.

"Al Jadeed" telekanalının məlumatına görə, "Hizbullah"ın hərbi lideri İbrahim Aqil hava hücumu zamanı ölüb. Həmçinin, vurulan binalardan birində əməliyyat qərargahının iclasında iştirak edən komandirlər qrupu məhv edilib.

20 sentyabr, 19:12

İsrail Hərbi Hava Qüvvələrinin Livanın paytaxtının cənub ətrafına endirdiyi zərbələr nəticəsində ölənlərin sayı 3-dən 8-ə, yaralıların sayı isə 17-dən 59-a yüksəlib.

Mozalan.az xəbər verir ki, bu barədə Livan Səhiyyə Nazirliyinin "Telegram" kanalında yerləşdirilmiş hesabatda bildirilir.

Qeyd olunur ki, səkkiz livanlı ağır vəziyyətdə reanimasiyadadır.

18:04

İsrail Hərbi Hava Qüvvələrinin Livan paytaxtının cənub ətrafı Dahiyəyə hücumu nəticəsində "Hizbullah"ın xüsusi əməliyyatlar üzrə məsul komandiri İbrahim Akil öldürülüb.

Mozalan.az bu barədə "Al Jazeera" telekanalına istinadən xəbər verir.

Onun məlumatına əsasən, raket hücumu nəticəsində beş uşaq həlak olub, onlarla insan yaralanıb.

17:36

İsrail hərbçiləri Livanın paytaxtı Beyrut şəhərinə zərbə endiriblər.

Mozalan.az bu barədə TASS-a istinadən xəbər verir.

"İsrail ordusu Beyruta zərbə endirib", - deyə İsrail Müdafiə Qüvvələrinin mətbuat xidməti xəbər yayıb.

Hücumla bağlı təfərrüat yoxdur.