Litva prezidenti Gitanas Nauseda Rusiya Federasiyası və Belarusla iqtisadi sazişlərin ləğvi barədə qərarını təsdiq üçün Seymə (parlament) təqdim edib.

Mozalan.az TASS-a istinadən xəbər verir ki, bu barədə Baltikyanı dövlət başçısının mətbuat xidməti məlumat yayıb.

"Rusiya və Belarusla iqtisadi əməkdaşlıq sahəsində üç beynəlxalq müqavilənin denonsasiyasına dair sənədlər Seymə təqdim edilib", - məlumatda bildirilir.

Prezident parlamentə investisiyaların təşviqi və qorunması haqqında Belarusla 5 mart 1999-cu il tarixli müqaviləni ləğv etməyi təklif edir. Digər iki qərar isə Litva-Rusiya razılaşmalarına aiddir. Bunlar, oxşar investisiya sənədi və ikiqat vergi müqaviləsidir. Həmin sənədlər 29 iyun 1999-cu ildə imzalanıb.