Böyük Britaniya kralı III Çarlz və onun ailə üzvlərinin illik maaşları açıqlanıb.

Mozalan.az xəbər verir ki, bu barədə "US Weekly" nəşri məlumat yayıb.

Mənbənin məlumatına görə, III Çarlzın əsas gəlir mənbəyi hər il ödənilən suveren qrantdır. Bu, təxminən 113 milyon dollar təşkil edir. Bu məbləğ daşınmaz əmlakın saxlanılması, işçilərin maaşları və sarayın digər xərcləri üçün sərf olunur.

Şəxsi xərclər üçün monarx Lankaster Hersoqluğundan pul alır ki, bu da hər il ona təxminən 25 milyon dollar qazandırır. Eyni zamanda, hökmdarın sərvəti hazırda 750 milyon dollar olaraq qiymətləndirilir.

III Çarlzın bacısı Şahzadə Anna isə bundan bir neçə dəfə az gəlir əldə edir: 1971-ci ildən bəri o, cəmi 21 milyon dollar qazanıb.

Bundan əlavə, kral ailəsinin gözdən düşmüş şahzadəsi Endrü əvvəllər ildə təxminən 330 min dollar alırdı. Lakin, kral vəzifələrindən azad edildikdən sonra, Çarlzın kiçik qardaşı daha sadə yaşamağa məcbur olub.

Bu siyahıya daha əvvəl Meqan Markl və Şahzadə Harrinin də daxil olduğu məlumdur. Ancaq 2020-ci ildən etibarən cütlük kral ailəsindən pul almır.