TənqidJan 07

Ağstafa icra hakimiyyətinin şübhəli ortaqları... - Yeni başçı da köhnə başının yolu ilə gedir...

2020-cu ildə Ağstafa rayonunda dövlət qurumları tərəfindən ümumi məbləği 2 milyon 604 min 603 manat məbləğində 30 tender keçirilib.

İcra hakimiyyəti 9 tenderə 1 milyon 142 min 601 manat xərcləyib. Ağstafa Rayonun İcra Hakimiyyətinin keçirdiyi ən böyük tenderin qalibi "Meqa AN İnşaat" MMC (434 min 276 manat) olmuşdur. “İnşaat Servis-2” MMC eyni zamanda 9 tenderdən 4-nün qalibidir.

Ağstafa Suvarma Sistemləri İdarəsi 3 tender keçirib ki, məbləği 548 min 781 manat təşkil edir. Ən böyük həcmli tenderin qalibi isə "SƏMA-MM İNŞAAT" MMC (286 min 264 manat) olmuşdur.

"Ağstafaçay Hidroqovşağı İstismarı İdarəsi" MMC 2020-ci ildə 3 tender keçirib ki, qaliblərə 524 min 646 manat ödənilib. Ən böyük tenderin qalibi "SƏMA-MM İNŞAAT" MMC(261 min 600 manat) olmuşdur.

Dia.az 2020-cu ildə Ağstafa Rayonunda keçirilən tenderləri təqdim edir.



Dia.az bildirir ki, Ağstafa icra hakimiyyətinin yeni başçısının da sevimlisinə çevrilən “MEQA AN İNŞAAT” Məhdud Məsuliyyətli Cəmiyyəti köhnə başının dövründə də Ağstafada qeyri yaşayış binalarının təmiri (bağça), abadlaşdırma xidmətləri haqqının ödənilməsi və Ağstafa rayonunda yolların əsaslı təmiri işləri üzrə keçerilmiş tenderlərin qalibi olub və ümumi olaraq 487410 manat məbləğində dövlət sifarişi alıb.

Kommersiya qurumunun hüquqi şəxslərin dövlət reyestrinə daxil edilmiş məlumatlarına görə “MEQA AN İNŞAAT” Məhdud Məsuliyyətli Cəmiyyəti 01.12.2009-cu il tarixdə Şəmkirdəki 14 saylı Ərazi Vergilər İdarəsində dövlət qeydiyyatına alınıb. Reyestr məlumatlarında nizamnamə kapitalı 10 manat olan MMC-nin hüquqi ünvanı Ağstafa rayonu,Ağstafa şəhəri M.Ə.Sabir ev 9,qanuni təmsilçisi Aslanov Yaşar İmamverdi oğlu olduğu göstərilib.

Qeyd edək ki,”MEQA AN İNŞAAT” Məhdud Məsuliyyətli Cəmiyyətinə məxsus VÖEN (3600282541) 26.08.2020-ci il tarixə qədər “Səma MM İnşaat” Məhdud Məsuliyyətli Cəmiyyəti adı altında fəaliyyət göstərib.Son iki ildə bu MMC-lərin hesabına yuxarıda qeyd etdiyimiz işlərin görülməsi üçün ümumi olaraq 2715102 manat dövlət vəsaiti köçürülüb. Bu vəsaitlərin nə qədəri təyinatı üzrə xərclənib,bəlli deyil Əslində bəllidir.Kimə?

Dövrü mətbuatın yaydığı məlumatlarda isə bir müddət əvvəl Maliyyə Nazirliyi tərəfindən aparılan yoxlamalarda Yaşar Aslanovun rəhbərlik etdiyi “Səma-MM İnşaat” MMC-nin rayon İcra Hakimiyyəti başçısının Ağstafa şəhər inzibati ərazi dairəsi üzrə icra nümayəndəliyinin sifarişi ilə həyata keçirilən işlərdə smeta xərclərinin şişirdilməsi, görülməyən işlərə görə pul ödənişləri kimi halların aşkar olunduğu bildirilir.Ağstafada büdcə vəsaitlərinin talandığı bəlli olduqdan sonra “Səma-MM İnşaat” MMC-nin rəhbərliyi iz azdırmaq üçün növbəti tenderlərdə “MEQA AN İNŞAAT” MMC adı altında qalib olub. Yəni,bu üsulla dövlətə “torba” tikilib.Antiinhisar Siyasəti və İstehlak Bazarına Nəzarət Dövlət Xidməti isə səlahiyyətləri daxilində bütün bunların qarşısını almaq əvəzinə,inhisarçılığa şərait yaratmış olub.

İddia olunanlarla bağlı dia.az olaraq bütün maraqlı tərəfləri dinləməyə hazırıq...

Bənzər xəbərlər

Gündəm